Su 4 de mesi de ladàmini si torraus a pinnigai apari po arrexonai de sardu e in sardu. S’atobiu “Is Boxis de su Sardu; is chi faint caminai su sardu in su mundu de oi” est in Casteddu, a is ses de merì, in via San Domenico. Organizzada su sotziu Don Chisciotte.
Eus tzerriau a artistas, operadoris culturalis, aministradoris, òminis e fèminas chi funt traballendi po su sardu e cun su sardu dònnia dii, de annus e annus.
Donniunu at a contai sa sperièntzia cosa sua, fainas, strobus e ideas chi si podint agiudai a mandai ainnantis su sardu in sa sotziedadi de oi, cun is mèdius de oi.
Seis totus cumbidaus a benni e a arrexonai cun nosu, po fai a biri ca custa est una batalla de totus e ca Casteddu est pronta a fai sa parti chi ddi spetat po su sardu.
Ant a chistionai: Alexandra Porcu, Matteo Murgia, Perdu Perra, Ivo Murgia, Michele Atzori, Alessandro Pintus, Frantziscu Medda, Lele Pittoni, Alessio Mura, Tore Cubeddu, Antonella Puddu, Riccardo Pittau, Enrico Lobina, Amos Cardia, Paolo Zedda, Claudia Aru, Quilo e àterus.
Totus podint pigai su fueddu e nai su chi ndi pensant de sa chistioni.
Speru diaberus de mi ddoi podi acostai
Si podemmu ci femmu deu puru..a liggi is poesias de nonna Teresa Mundula Crespellani…cun contus e contixeddus de Casteddu d’attru tempus…spassiaisì e teneis arta sa boxi in sardu. Salurusu de New York PP
Ma non si podiat faghere in Aristanis?